رواد السوشيال ميديا لـ"حسين خيري" و"شيرين غالب": منى مينا مش هتنفعكم
وجه نشطاء مواقع التواصل الاجتماعي والسوشيال ميديا انتقادات لاذعة لنقيب الأطباء حسين خيري، وشيرين غالب نقيبة أطباء القاهرة متهمين الاثنين بإثارة الفتنة والهجوم على وزارة الصحة والتشكيك في جهود الدولة الكبيرة لمحاربة فيروس كورونا المستجد وعدم القيام بواجبهما رغم الظروف الصعبة التي تمر بها البلاد.
وقالوا: "يا دكتور حسين خيری يا اللي المفروض أنك نقیب الأطباء ، اتمشی شوية برجلك الكريمة وشوف الدولة بتعمل إيه عشان تستورد كل المعدات الوقائية اللى الأطقم الطبية بتحتاجها عشان شغلها، وبتعمل إيه برضوا الدولة في الجمارك عشان تخلص إجراءات الحاجات دي .. هو ده برضوا مش من ضمن شغل سعادتك" .
وأضافوا: "يا دكتورة شيرين غالب لو سمحتي حاولي تتشطری شوية على المستشفيات الخاصة واكلمي عنها وعن جشعها .. بدل ما انتى كل تركيزك هو وزارة الصحة .. هو ده مش المفروض من اختصاصاتك برضوا .. لكن الإجابة معروفة طبعا وهي إنك ماتقدريش تقربي من هناك عشان المم".
وتابعوا: "على فكرة يا دكتور حسين ويا دكتورة شيرين انتخابات النقابة اللي جايه لسه بدري عليها عشان تبتدوا تشتغلوا عليها من دلوقتي.. فركزوا الله يرضى عليكوا انكوا تعملوا حاجة لبلدكوا أو لصالح الأطباء اللى استأمنوكوا على مصالحهم".
وحذروا: "خلوا بالكوا الناس ابتدت تسأل وتدور بجدية على الزلة اللي منی مینا مسكاها عليكوا واللي انتوا بسببها سایبنها مبرطعة في النقابة على حسها.. وخلوا بالكوا إن الناس لما تعرف إيه الزلة دی سيرتكوا هاتبقى على كل لسان واللي مايشتري يتفرج فأحسن لیكوا تلفظوا منی مینا عشان هي مش هاتنفعكوا" .
