أمل منصور: لابد ان يقوم الاعلام بدوره فى التوعية بخطورة العلاقات الغير شرعية
قالت الاعلامية د. امل منصور خبيرة التنمية البشرية من خلال حلقات برنامج " ساعة أمل " على شاشة قناة الحدث اليوم ان البرنامج ناقش خلال عدد من الحلقات اسباب الطلاق والمشاكل الزوجية ووصلنا الى ان اختلاف التفكير بين الزوجين السبب الاكبر فى المشاكل الزوجية
واضافت منصور ان هناك علاقات كتير محرمه حصلت بين شباب وبنات بحجة الحب ،وكلمتين بيغوي بيهم الشيطان عقل الشاب واللي بدوره بيضحك بيهم علي البنت وبيستغل حبها ليه إنه يخليها تغلط معاه ، وبعديها بيحصل ندم وزعل وبيرجع تاني الشاب يضغط علي البنت ويقولها احنا عملناها قبل كدا اية المانع نكررها ،ومرة في مرة في مرة بيحصل حمل وبتبقي فضيحة
واشارت منصور اى خطورة تلك العلاقات على المجتمع وضرورة التصدى له فى ضوء الاعراف والشرائع السماوية والقوانين والدوره الهام للاعلام فى التوعية ودق ناقوس الخطر ولهذا خصصنا حلقة عن العلاقات الحميمية الغير الشرعية اللي بتحصل تحت مسمي الحب
وتابعت منصور لو بيحبك بجد هيحافظ عليكي ويخاف عليكي ، ولو بيحبك بجد هيدخل البيت من بابه ومش كل شوية هيفضل يردد أصل الظروف والشغل وقلة الحيلة لو بيحبك بجد عمره ما هيفكر فيكي إلا لو كنتي زوجته
واشارت منصور الى ظاهرة اخرة خطيرة تدمر الشباب والكبار على سواء وهى الجنس عبر الإنترنت واستغلينا التكونولوجيا المتوفره من خلال وسائل التواصل الإجتماعي إن كانت مكالمات فيديو أو صوت في علاقات محرمة
ويشار إلي أن برنامج " ساعة أمل "يسعى فى اطار الاعلام الجاد والهادف الى رصد الظواهر الايجابية فى المجتمع وبخاصةً الاسرة المصرية ، والقاء الضوء عليها ومواجهة السلبيات ولا سيما ظاهرة الطلاق والتى انتشرت فى المجتمع المصرى واصبحت تهدد الاسرة المصرية ، وفى اطار توجه الدولة نحو مواجهة تلك الظواهر الخطيرة والتى تهدد المجتمع المصرى.
