بالفيديو.. مقدمة قوية للإعلامية أمل منصور عن مشكلات فترة الخطوبة والزواج

قالت الاعلامية د. أمل منصور خبيرة التنمية البشرية والعلاقات الاسرية فى مقدمة حلقة اليوم من برنامج ساعة أمل علي شاشة الحدث اليوم ، ان فترة الخطوبة من اجمل الفترات اللي بتمر علينا في حياتنا . لكنها للأسف مبتخلاش من المشاكل والخلافات ، والمشاكل ممكن تتفاقم وتحيط الخطوبة كلها بالخطرواللي بتوصل بكتير من الزيجات الي الفشل .

واضافت منصور ومن اكبر الاخطاء اللي بيقع فيها المقبلين علي الزواج في حل مشاكل الخطوبة هي انهم مبيوصلوش لسبب المشكلة وده بيخلي المشكلة تتكرر اكثر من مرة خلال فترة الخطوبة وحتي بعد الزواج ، والمشاكل ممكن تكون متعلقة بالطباع سواء للخطيب او الخطيبة .

وتابعت منصور ممكن تكون مشاكل في اتفاقات تفاصيل الزواج ودي بتكرر كتير جدا واللي تقريبا بتتسبب في عدم اقبال كثير من الشباب علي خطوة الزواج او علي الاقل بيأجلوها قدر الامكان خوفا من متطلبات الاهل ، او مشاكل متعلقة بالاهل عموما ، زي تدخلهم في حياة اولادهم او ارتباط احد الطرفين بأهله لدرجة مبالغ فيها ، وحاجات تانية كتير ممكن تأثر علي الخطوبة وممكن توصل لبعد الزواج وتأثر علي علاقة الزوجين لفترة طويلة .