مسئول سابق بـ"التعليم" عن قرار "طالبة الأوليمبياد": عديم الفائدة

وصف طارق نور الدين، معاون وزير التربية والتعليم الأسبق، قرار الدكتور الهلالي الشربيني، بالسماح للطالبة سارة سمير السيد، لاعبة المنتخب القومي لرفع الأثقال، بالتقدم لأداء امتحانات الدور الثاني بالدرجات الفعلية، بالمتأخر وعديم الفائدة.

وكتب "نور الدين"، على صفحته الشخصية بموقع التواصل الاجتماعي "فيس بوك": "بعد رفض الوزير خلال الفترة الماضية، تأجيل امتحان ‫‏سارة سمير‬ نظرًا لاشتراكها في بطولة دولية باسم ‫مصر‬، ومنحت مصر أول ميدالية في الأوليمبياد، لدرجة أن المتحدث العسكرى بنفسه نشر صورها وافتخر بها. وعندما نفذت حملة إعلامية ضده لانه خالف ما أكدت عليه استراتيجية الوزارة لرعاية الموهوبين".

وأضاف: "أنا شايف قرار الوزير مثله والعدم سواء، لانه لو بنشجع طلابنا كان من الأول اتعمل حساب الأبطال دى ولو حتى كان بعتلها الامتحان فى البرازيل بلجنة خاصة مش قليل عليها مع أخذ كل وسائل سير الامتحان بشفافية ونزاهة، لكن دلوقتى تقدر تقولى والامتحان بكرة يعنى هتيجى من سفر طويل متعبة فى الوقت القاتل ده إزاى هتقدر تذاكر وطول الفترة اللي فاتت لما كان الوزير رافض طلبها بتأجيل الامتحان كانت نفسيتها عاملة إزاى تفتكر بكده ممكن تنجح وتحقق حلمها الشخصي اللي انشغلت عنه في تحقيق حلم مصر كلها".