أحمد حلمي يكشف حقيقة رسالته لـ"محمد رمضان"
نشر الفنان أحمد حلمي عبر صفحته الشخصية على موقع التواصل الاجتماعى الشهير "فيس بوك" توضيح للصورة التى نشرها داخل سيارته المينى كوبر الموديل القديم التى شارك بها فى فيلم "ظرف طارق".
وعلق حلمى قائلًا: "أعزائي الكرام توضيح بسيط وسريع بخصوص ما حدث بعد نشر الصورة بتاعتي وأنا راكب العربية الميني القديمة اللي كانت معايا في فيلم ظرف طارق.. واللي الناس فهمت إنها بغرض إني بوجه رسالة لزميلي الفنان "محمد رمضان" وهذا ما أحزنني كثيرا".
وتابع حلمي عبر "فيس بوك": "يا جماعة أنا لو عايز أوجه رسالة لأي حد أعرفه كويس أو حتي معرفوش مش هاعمل كده على مواقع التواصل الاجتماعي.. لأني عمري ما عملت كده أبدًا لأني ببساطة ممكن ابعتله رسالة على موبايله أو هاكلمه في التليفون".
وأضاف حلمي: "أما الكلام اللي كان مكتوب تحت الصورة اللي كتير من الناس معرفش إزاي بجد فسروه بالطريقة دي مع إنه فعلًا مايخصش حد خالص غير واحد صاحبي هو الوحيد اللي هايفهمه لأني قايله بسبب موقف طريف حصل معانا وليه علاقة بالعربية الميني علشان كده نهيت الكلام المكتوب بـ "ده كلام في سرك ششش".
واختتم حلمي حديثه قائلًا: "زميلي العزيز "محمد رمضان".. ربنا معاك ويوفقك دايمًا وتحقق كل اللي نفسك فيه في حياتك الفنية".
يذكر أن حلمي علق على نشر الممثل محمد رمضان لصورة سيارتيه الجديدتين، وذلك بنشره صورة له على حسابه على "فيس بوك"، وهو يركب سيارة عادية وعلق عليها قائلا: "تقدر تبوح بسر ينفع الناس؟؟ للاسف لأ.. ماهو عيب الأسرار كده.. أكتر حاجة ممكن تفيد الناس بس للأسف مينفعش تتقال.. ده كلام في سرك.. ششششش".
