عيد لبيب لـ"العربية نيوز": هذه رسالة "المصريين الأحرار" للمساومة على "مدينة الأحلام".. واعترافه بنجاح المشروع.. ولدى 6 رسائل أخرى لم أفصح عنهم حتى الآن
حصل "العربية نيوز" على نص رسالة حزب "المصريين الأحرار" لعيد لبيب، رئيس مجلس إدارة الجمعية التعاونية للبناء والإسكان "مدينة الأحلام" والتى يساوم الحزب فيها الأخير على مدينة ملوى الجديدة وأحلام الشباب.
وجاء نص الرسالة كالتالى مرفقًا بردود لبيب عليها من خلالنا: "أنا ببعتلك علشان أنت لازم تعرف الراجل اللى جالك هو اللى هيقدر يخدمك لأنه:
1 – النواب دى بتعملوا حساب وجاء رد لبيب عليه قائلًا: لما النواب بتعملوا حساب يعنى الحزب يقدر يسيطر عليهم وعارف المشكلة وواقف قدام أحلام شباب ملوى مع ان مبادئ الحزب تقوى على أساس التنمية.
2 – ليه علاقات فوق ما تتخيل بكثير من المخابرات والرئاسة يعنى الحدق يفهم فرد لبيب قائلًا: أنا عندما دخلت المشروع طلبت من ربنا أن يقف جنبى واللى معاه ربنا محدش يقدر عليه.
3 – أنا عايز مشروعك ينجح وكان رد لبيب "ده اعتراف رسمى من المصريين الحرار بأن المشروع حيخدم البلد وبسألهم أنتوا واقفين ضد المشروع اللى حيخدم البلد ليه؟
4 – لو أتعمل بنظام وعلى أعلى مستوى مش بالطريقة دى برضو أنت اللى حتبقى فى الصورة فهمت، فرد لبيب "أنا يا سيدى مش عايز أبقى فى الصورة أنا جاى وعايز أخدم بلدى ونفسى ملوى الجديدة تطلع".
وقال لبيب: "يوجد كلام من الممكن نتحدث عنه وكلام لا أستطيع أن أدلى به لأنه ليس لدى مستندات بهذا الكلام والقانون لا يسمح بمثل هذا الكلام دون مستندات".
وأضاف فى رسالة موجهة للمصريين الأحرار: "كل تأخير بالموافقة على المشروع ليس فى صالحكم وبتخسروا الشارع"، لافتًا إلى أن "الحزب يؤكد دائمًا بأن النواب تحت سيطرته فلماذا السكوت على موقف النواب من المشروع، وخاصة أن مبادئ الحزب تنص على التنمية والشعب مبقاش عايز فراخ".
وأشار لبيب إلى أنه لديه 6 رسائل لم يظهروا بعد مطالبًا المصريين الأحرار بتقديم بلاغ ضده لو "الرسالة دى كذب".
