مواطن يشتكي من الإهمال الطبي لوزير الصحة: "إلحقني بموت"

استغاث مواطن يدعى "عمر الطويل"، مصاب بقطع بالحبل الشوكي، والتي أدت الى وجود مجموعة من التقرحات، بسبب عدم قدرته على الحركة، مطالبا بتتدخل وزير الصحة، والنائب البرلماني لمحافظ سوهاج لعلاجه، بعدما تعرض للإهمال والإهانة، بالمستشفى الجامعي بسوهاج، عندما أبلغه طاقم التمريض، بأنه "معفن وجرحه عفن" ولا يمكن التغيير عليه.

وقال "الطويل": "حرام عليكم.. أنا من ساعة ما الممرضة والدكتورة جولي وقالولي إنت معفن وأنا ما شفتش حد منهم لحد دلوقتي وأنا ممكن تجيلي حالة تسمم.. وحتى الغرفة اللي إحنا فيها مش منظر غرفة دي عاملة زي الخرابة أقسم بالله".

وعن طريقة تعامل الطاقم الطبي معه، يقول: "الممرضة جات قالتلي إنت معفن وقرحك معفنة ومش هغيرلك والكلام دا من إمبارح وممكن يجيلي تسمم في الدم.. مستشفيات الحكومة اللي مدعمة من الدولة بتعايرنا بالمرض".

وتابع: "هما مش هيعملولي عملية يمشوني على رجليا.. أنا عندي قطع في الحبل الشوكي وعايز أعالج القُرح بس.. القُرح اللي بتنزف.. القٌرح اللي بيقولوا عليها هما معفنة.. وسيادة المحافظ عاملي قرار علاج على نفقة الدولة أديلوا 7 شهور مطلعش".