بالفيديو.. عمرو أديب لـ"مرتضى منصور": "أنا لحمي مر"

شن الإعلامى عمرو أديب، هجومًا على المستشار مرتضى منصور، عضو مجلس النواب، بسبب مطالبته إيقاف برنامجه عن طريق توقيعات داخل البرلمان.

وقال أديب، فى برنامجه "القاهرة اليوم"، المذاع عبر فضائية "اليوم": "أنا واقف قدامك.. اللى عاوز يبقى معايا أهلا وسهلا.. اللى مش عايز أنا واقف قدامك للنهاية.. مرتضى عاوز يوقف البرنامج قبل حلقة ميدو".

وأضاف: :" مرتضى هدد بإرسال ناس لتكسير الاستوديو.. ياريت يا أخى تعالى راجل لراجل وورينى نفسك..إحنا رجالة طول عمرنا رجالة وتربينا رجالة وعمرنا ما خوفنا .. كان غيرك أشطر..أنت كنت تحت السرير وكنت عارف مين اللى كان بيحميك..فاكر ولا لأ..المجتمع عارف بس بينافقه.. مين أنت؟"

وتابع أديب:" انا باخد حقى بدراعى.. وعارف أخده كويس.. مبخفش ومكمل للآخر يا أنا يا أنت فى مصر.. عمرو عمره ما خاف.. انا لحمي مر.. ولا تراجع وحلقة ميدو هتتذاع إلا إذا أنت عملت حاجة فى ميدو".