الرئيس السيسي: سياسة مصر الخارجية قائمة على التوازن والاعتدال ونعمل على توفير العملة الصعبة

تحدث الرئيس عبد الفتاح السيسي، خلال جولة تفقدية بالأكاديمية العسكرية المصرية، عن الأوضاع في المنطقة، قائلا: "زي ما بقول دائما مصر لها ثوابت في سياستها تتسم بأنها تكون عامل استقرار في محيطها، ومصر تتسم بالتوازن والاعتدال ولا نتدخل في شئون الأخرين.. ونكون عامل إيجابي في حل الأزمات وهي كتير.. دول الجوار عندنا والأشقاء في ليبيا والسودان.. الأزمات دي لها تأثير علينا أيضا.. بنحاول نكون عامل إيجابي لحل هذه الأزمات".

وأضاف الرئيس السيسي: "يمكن أنتوا كنتوا متابعين خلال الفترة اللى فاتت مؤتمر دول الجوار.. وكان الهدف منه بالتنسيق مع دول جوار السودان أننا نوجد مخرج أو حل سلمي لهذه الأزمة حتى تنتهي معاناة الأشقاء وتنتهي الأزمة السودانية خلال فترة قصيرة إن شاء الله.. ده تقريبا ملخص الموقف.. ودائما بقول اطمئنوا مش علشان إحنا موجودين.. لا علشان انتوا موجودين.. وقبلنا كلنا فيه ربنا موجود وإحنا دائما بنقول إن ربنا مطلع وشاهد على أننا في بلدنا رغم الظروف الصعبة حريصين ومصرين على العمل والعمل بجد في كل القطاعات".

كما تحدث الرئيس عبد الفتاح السيسي عن حلول للأزمة الاقتصادية الحالية، قائلا: "لما بنتكلم عن فاتورة الاستيراد من الخارج السنوية سواء من سلع أو مواد بترولية أو مستلزمات مختلفة أو أدوية.. الاحتياجات الضرورية الأساسية بنتكلم في رقم كبير أوي.. طول ما الرقم الكبير إحنا مش قادرين نوفره بالعمل والتصدير وتوفير بدائل له جوه مصر.. هنفضل نعاني.. لازم الموضوع ده نتجاوزه".

وأضاف الرئيس السيسي، خلال جولته بالأكاديمية العسكرية المصرية: "نعمل على توفير العملة الصعبة ولن نتوقف عن توفير احتياجاتنا من السلع.. ولما بنتلم عن 3 – 4 ملايين فدان إنتاج زراعي.. ده رقم كبير أوي علشان يقلل جزء من فاتورة استيراد السلع الغذائية.. خلال سنة كمان بالكتير هنكون دخلنا على خريطة سيناء أكثر من 450 ألف فدان وفى الدلتا حوالي 2 مليون فدان.. وشرق العوينات وتوشكي بنتكلم في حوالي مليون فدان بالإضافة إلى مناطق أخري".