ياسمين عز .. "الراجل المصري حتة آثار يتشال فوق الرموش وجوه العيون"
ياسمين عز للسيدات شوفتي الراجل المصري "جوزك دافع عن الغربية بكل ما أوتي من قوة، ما بالك لو حد قرب منك" شوفتي ده يتشال فوق الرموش وجوه العيون الراجل المصري قطعة نادرة زي الآثار حافظي عليه.
نصيحة ياسمين عز للسيدات
وجهت الإعلامية ياسمين عز، نصيحة للسيدات، قائلة: "جدعنة رجالنا مش كلام، الراجل المصري ده جوزك وأخوكي وأبوكي، ده يتشال على الرموش فوق العيون وجوه العيون".
وقالت ياسمين عز، عبر برنامجها كلام الناس، الذي يعرض على قناة إم بي سي مصر:
"الرجل المصرى مثل قطعة آثار يجب الحفاظ عليها "
وتابعت "افرحي بجوزك الراجل المصري العظيم الراجل عملة نادرة فى الزمن ده وميتقدرش بكنوز"
ياسمين عز انا رسالتي عمار البيوت
وواصلت ياسمين: أنا رسالتي وهي عمار البيوت والأسرة المصرية، واللي بقوله قدامكم على الشاشة بعمله برا ده مش تمثيل خالص ، وأنا مش هتكلم غير عن الراجل والست لأنهم الحياة ولما تنزل كائنات فضائية هبقى أتكلم عليها، ولكن دا اللي عندنا، وأنا عمري ما قولت أي لفظ تحريضي أو اسخن راجل على مراتة بالعكس ده انا بقول للست دلعي جوزك.
ياسمين عز هعمل مطبخ في الاستديو
وفي مفاجأة عن الموسم القادم من البرنامج قالت ياسمين: في الموسم الجديد هعمل مطبخ في الاستديو عشان أعلم الستات تعمل أكل لـ رجالتها وتغذيهم ونعلم السيدات يعملوا احلى الاكلات للرجالة الشقيانة طول اليوم ويلاقوا اكل يغذيه وتاكليه أحلى أكل.
وتابعت وهعمل تسريحة عشان تتعلموا ازاي تتزينوا.
هعمل تسريحة عشان أعلم الستات إزاى تتزين عشان لما جوزك يرجع يلاقيكى قمر وريحتك حلوة وشك حلو ومورد.
رسالة ياسمين عز لـ كريستيانو رونالدو
وكانت أثارت ياسمين عز جدلا واسعا خلال حلقتها في يوم الأحد المنقضي بـ رسالة إلى البرتغالي كريستيانو رونالدو،
قائلة: رسالتي بقى المرة دي لكريستيانو رونالدو أنا عارفة إنه بيتابع البرنامج وبيحبنا وبيحب البرنامج والنبي يا شيخ لو ليا خاطر عندك أجبر بخاطر البنت المسكينة دي "جورجينا" واتجوزها.
واديك شفت جورجينا في آخر ماتش ، شايلاك في عينيها وصيانة عيالك وبعدين عمرها ما اشتكت رغم إنك ممرمطها وراك كعب داير من مدريد لإيطاليا ومن أولد ترافورد للمدينة التعليمية بالدوحة، ويا عالم بعد كده هتروح فين وتاخدها معاك الست ما بتقولش لأ من هنا لهنا حاضر.. اتجوزها ربنا يجبر بخاطرك.
