نجل أحمد ناجي يعلق على أزمة والده مع إكرامي
علق عبد الرحمن، نجل أحمد ناجي، مدرب حراس المرمى بالمنتخب الوطني، على الأزمة التي جمعت والده مؤخرًا بحارس الأهلي، شريف إكرامي، وذلك عبر حسابه على موقع التواصل الاجتماعي "فيسبوك".
إكرامي كان أبدى غضبه من أحمد ناجي، يوم الإثنين الماضي، وذلك في تصريحات تلفزيونية لقناة الحياة، قائلًا: "أنا كنت بعامل كابتن ناجي علاقة ابن وأب، دلوقتي التعامل هيكون لاعب ومدرب".
وقال "عبد الرحمن": "بنسبة لأزمة أبويا وشريف إكرامي، وأنا مكنتش أحب أعلق على حاجة زي دي، خصوصًا أن شريف إكرامي زي حسني أخويا بس بعد ما سمعت كلامه اللي أول مرة أسمعه من شوية أفتكرت بس أيام ما أنا كنت بشتغل في قناة الأهلي وهزار بابا وإكرامي دايمًا اللي أنا مسجله بنفسي على القناة".
"وعن أن إكرامي أخويا فأنا ردي يكون الفيديو ده الرد علي كلام شريف إكرامي عن أبويا، وشوفو كلام شريف عن بابا وشوفو أمنية شريف عن العلاقة اللي كانت بينهم بس، وأحب أقول أن أنا أكتر شيء أستغربه ليه في حياتي كلها أن شريف إكرامي اللي هو أنا بعتبره لحد دلوقتي أخويا فعلًا يقول لبابا أنت مدرب وأنا لاعب".
"كلمة أخيره لشريف رغم حبي الشديد ليك كشخص وتعطفي الدائم ليك وفرحتي اللي أنت شوفتها يوم ما رجعت من هولندا وأزاي أنا فرحت إنك رجعت النادي لكن عمري ما كنت أتمني أن ده يكون موقفك لما بابا يجي يساعدك مش أكتر من كده".
