عمرو محمود ياسين عن مظاهرات 25 أبريل: "نرستر مع بعضينا 2011"
علق الفنان عمرو محمود ياسين على دعوات التظاهر المقرر تنظيمها في 25 أبريل الجاري، احتجاجًا على أزمة تيران وصنافير الأخيرة.
وقال ياسين عبر صفحته الرسمية على موقع التواصل الاجتماعي "فيس بوك": "في بعض الناس بتتكلم عن تظاهرات يوم 25 أبريل اللي هي المفروض (المفروض) عشان موضوع الجزر، لكن هما في نفس الوقت بيقولوا طول الوقت إنها مش عشان الجزر تحديدًا لكن هي مظاهرات الغرض منها قيام ثورة".
وذكر: "قيام ثورة معناه إسقاط الدستور وإبعاد رئيس الجمهورية عن مكانه ونديها بقى لجان شعبية ومحمد محمود وده بيان من الجيش وده بيان من الرئاسة وده بيان من الأزهر ومن الكنيسة، ثم يخرج على الشاشات بعض الشباب المنتمين للحركات الثورية، وأون تي في والجزيرة والجو اللامع ده، ونرستر مع بعضينا كده 2011 من تاني، إنتوا اكيد بتهرجوا صح؟؟، طيب ممكن تسنتوا لما عرض المسلسل بتاعي يخلص، طلب أخوي".
وأضاف: "طيب السطر اللي بتقراه دلوقتي هو إضافة على الستيتوس الأساسية، أضيف السطر ده بعد تقريبًا 10 دقايق عشان ابتدت بعض التعلقيات تتكلم عن الثورة وظروف الناس الصعبة والدولار إلخ، وبناءً عليه قررت أضيف الكلمتين عشان محدش يدخل ينظر عليا، أنا بهرج".
