هنا شيحا تهاجم الحكومة بسبب قانون الضريبة المضافة على التعليم الدولي
كشفت الفنانة "هنا شيحا" عن رفضها على إخضاع خدمات التعليم الدولي لضريبة القيمة المضافة الجديدة.
ونشر شيحا على صفحتها الشخصية على موقع التواصل الاجتماعي "فيس بوك"، تدوينه لها تعبر عن رفضها التام للزيادة.
وعلقت شيحا قائلة: "ضريبة ايه.. على التعليم ؟؟؟ التعليم الدولي! إنترناشونال يعني!؟ ما هو لو تعليم محلي محترم كنّا دخلنا فيه ولادنا!! إحنا مجبرين على الدولي!".
وتابعت شيحا: "وبعدين ضريبة بقى على ايه ؟! مصاريف المدارس! آه، علي أساس ان مصاريف المدارس بتتحسب ضمن المصاريف المقدمة للضرائب ؟؟!! ولامصاريف الأولاد ولا العلاج ولا إيجار البيت ولا اقساط العربية ولا الأكل والشرب إلا ما يخص العمل الفني "علشان أنا ممثلة"!".
وأضافت: " بس لازم ندفع ضرائب على الدخل السنوي اللي خلص قبل ما ييجي على كل دول بس مصلحة الضرايب ملهاش فيه".. طب عايزة تحطي ضريبة على المدارس اللي إحنا بندفعها واللي إنتي مش معترفه بيها كجزء من دخلنا ليه وبعدين فين الخدمات اللي بندفع ضرائب علشان ناخدها؟ فين التأمين الصحي المحترم ؟ فين التعليم الجيد ؟ فين الشوارع اللي مش مكسرة ؟".
